1/3-7: 沙巴之旅 (3)

第三日去睇長鼻猴同螢火蟲，要到低窪的河邊地區去，坐小船遊河去搵馬騮。導遊話會睇到三種唔同嘅猴子，首先會見到普通的馬騮，然後再到河的中段先可以睇到主角 - 個樣幾肉酸嘅長鼻猴。

隻船仔行咗無幾耐，就見到3隻馬騮仔係幾棵樹上面，船家於是乎將隻船停係比較接近馬騮的河邊，導遊就叫我們抛紅毛丹餵佢地 (注意只係可以餵普通的馬騮食咋) 。首先船上嗰一兩個女士開始抛比馬騮，可能船跟河邊的樹重有點距離啦，掟唔倒比佢地。

當時有一隻比較近我們，它坐在樹上中間的一條樹枝上好休閒咁休息緊，打側面對著我們。Mr. W 跟著開始掟佢第一粒紅毛丹，一掟就掟中咗嗰隻馬騮仔個頭，嚇到隻馬騮仔落荒而逃，連帶其他嗰兩隻都走埋。結果令其他遊客無得玩餵馬騮，紅毛丹無用武之地。

打波嘅時候，如果你的對手發緊夢，你都會叫聲先啦，下次記得掟佢之前揚聲啦!